Mafarkin cin ganye

Menene Mafarki?

Mafarki wani yanayi ne da mutum yake gani yayin barci, wanda zai iya zama mai ma’ana ko kuma sakon ban mamaki daga Allah. A cikin addinin Musulunci, mafarki suna da rabe-rabe guda uku kamar yadda Annabi Muhammad (SAW) ya bayyana:

1. Mafarkin Alkhairi (Ru’ya Salihah): Wadannan mafarkai suna zo daga Allah kuma suna dauke da alheri, kariya, ko gargadi.

2. Mafarkin Sharrin Shaidan: Wadannan mafarkai suna tada tsoro ko rudani ga mai mafarkin.

3. Mafarkin Rayuwa (Hawan Kwanji): Wadannan suna daukar sakonni daga abin da mutum yake tunani a rayuwarsa ta yau da kullum.

Lokutan da Mafarki Yake Zama Gaskiya

Mafarkin alkhairi yakan zama gaskiya idan:

Mutum ya kasance mai tsoron Allah da kyakkyawar niyya. Ya yi mafarkin cikin tsarkin zuciya da yanayi, musamman tsakiyar dare da karshen dare lokaci ruhi na cikin nutsuwa lokacin baccin Rana cikin su ana samun mafarki na gaskiya.

Lokutan da Mafarki Baya Zama Gaskiya

Mafarkin yakan zama mara ma’ana idan

Mutum yana cikin rudani ko damuwa.

Ko lokacin sanyi ko lokacin ibada ko mutum ya kwanta da Abu a ransa mafarkin bai cika Zama gaskiya.

Fassarar Mafarki: Cin Ganye

Idan mutum ya yi mafarkin yana cin ganye alokaci da mafarki zai Zama gaskiya ko lokaci da mafarki bazai zama  gaskiyaba zai ayi la akari da lokaci.

wannan yana dauke da ma’ana daban-daban dangane da yanayin rayuwarsa Mai mafarki:

1. Arziki da Nasara:

Mafarkin cin ganye yana iya nufin mai mafarki zai samu alheri ko nasara a rayuwarsa. Ganye yana wakiltar abubuwan halitta masu amfani, don haka cin ganye na iya nuni da samun abin da zai kawo biyan bukata.

2. Tuba da Daukaka:

Ana iya duba wannan bidiyon don Karin bayani kan wannan mafarki.

A wasu lokuta, ganye yana wakiltar tsarki da neman kusanci da Allah. Idan mai mafarki ya gani yana cin ganye, hakan na iya nuni da cewa lokaci ya yi da zai tuba ya nemi tsarki a rayuwarsa.

3. Cutar Jiki da Lafiya:

Cin ganye yana kuma iya zama gargadi ga mutum ya kula da lafiyarsa ko kum yana dauke da sakon warkarwa daga wata cuta.

4. Rayuwa Mai Sauki:

Ganye a mafarki na iya zama alamar mutum zai rayu cikin yalwar abinci da salama.

Abin Yi Bayan Mafarkin

Idan mafarki mai kyau ne, mutum ya godewa Allah kuma ya roki tabbatuwar alkhairi. Idan mafarki ya zama mai tada hankali, mutum ya tofa addu’ar “A’uzu billahi minash-shaitanir-rajim” kuma ya canza matsayinsa a wajen barci.